PROXECTO "PESCARTE: a prol da PESca Costeira ARTEsanal"

O proxecto PESCARTE ten como obxectivo principal divulgar e sensibilizar á comunidade sobre a importancia da pesca costeira artesanal, así como revalorizar tanto as técnicas de pesca tradicionais e os oficios pesqueiros como as especies capturadas de maneira sostible na costa local, contribuíndo á súa conserva e á mellora do seu consumo; así mesmo, busca incentivar o relevo xeracional e dar a coñecer e por en valor produtos pescados pola frota burelense e comercializados na lonxa da localidade.

As ACTIVIDADES do Proxecto PESCARTE consisten en:

1. MURAL PESCARTE 2025: Realización de mural na fachada sur da Confraría, divulgando as distintas artes de pesca costeira artesanal e as especies locais. Inclúe andamiaxe e instalación do alumeado de enerxía solar renovable

2. CULTURA MARIÑEIRA INCLUSIVA 2025:Adaptación do mural sur a un panel táctil accesible con braille e altorrelieve para toda tipoloxía de público, incluíndo persoas con discapacidade visual

3. AUDIOVISUAIS DAS ARTES MENORES DA PESCA ARTESANAL 2025:Realización dun vídeo divulgativo sobre o sector da pesca artesanal de Burela e 3 microvídeos explicativos de cada modalidade

4. CREACIÓN XOGO INFANTIL EDUCATIVO PESCARTE SOBRE A PESCA ARTESANAL 2025:Deseño e realización dun xogo infantil educativo composto por 9 cubos, onde as crianzas poidan compoñer 6 imaxes distintas sobre as diferentes artes de pesca artesanal, embarcacións, produtos pesqueiros do territorio, etc.

5. MATERIAL PROMOCIONAL DO PROXECTO PESCARTE E DA FONTE DE FINANCIAMENTO 2025: Adquisición de material para a comunicación e marqueting do desenvolvemento de cada actividade e da fonte de financiamento, dando cumprimento en materia de comunicación e visibilidade

6. MURAL PESCARTE 2026: Mural na fachada oeste, como continuidade ao "MURAL PESCARTE 2025". Inclúe instalación do alumeado de enerxía solar renovable

7. CULTURA MARIÑEIRA INCLUSIVA 2026:Adaptación artística inclusiva do mural oeste a un panel táctil con braille e altorrelieve

8. PROMOCIÓN PRODUTOS DA PESCA LOCAL 2026:Showcooking en directo para promocionar produtos pesqueiros do territorio, tanto dos mais recoñecidos como doutras especies infravaloradas pero de grandes posibilidades gastronómicas

9. AUDIOVISUAL DIVULGATIVO DAS ACTIVIDADES DO PROXECTO PESCARTE 2026:Gravación das actividades para a súa difusión a través das RRSS e realización dun vídeo promocional

10. CREACIÓN DE CONTIDOS DIVULGATIVOS DO PROXECTO PESCARTE DESCARGABLES A TRAVÉS DE CÓDIGOS QR: deseño e creación de contidos explicativos das temáticas tratadas en cada mural, almacenados na páxina web da entidade, expostos en 4 placas